الثلاثاء , مايو 30 2017
أخبار عاجلة
الرئيسية / تعلم تداول الفوركس / فن لعب إدارة رأس المال ( الجزأ السادس )

فن لعب إدارة رأس المال ( الجزأ السادس )

1,819,947 total views, 195 views today

3 0 0 0 0

فن لعب إدارة رأس المال ( الجزأ السادس )

 بسم الله الرحمن الرحيم

و الصلاه و السلام على اشرف الخلق سيدنا محمد صلى الله عليه و سلم

فن لعب إدارة رأس المال ( الجزأ السادس )

فن لعب إدارة رأس المال ( الجزأ السادس )

فى الاجزاء السابقه اتكلمنا على حاجه اسمها المرونه فى السوق و اتكلمنا برده على حاجه اسمها سيكلوجيه المضارب و برده على العقود الاضافيه و كمان اتكلمنا ازاى نجمع الدنيا ده كلها مع بعضطيب عشان بقى اتعامل مع السوق ككل اعمل ايه او بمعنى ادق ايه اللى المفروض اعمله عشان احدد راس مالى و احدد حجم العقود و الرافعه و خلافه باختصار عايزين وقت ما نفتح عقود يكون راس مالنا مظبوط و مفيهوش اى نوع من الخطر

طيب اهم سؤال قبل ما نعمل اى حاجه اننا نسأل انفسنا الاول انا هاخسر اد ايه مش هاكسب اد ايه ؟
يعني انا داخل الصفقه ده و استوبي كام ؟
ممكن اخسر مقدار اد ايه من راس المال و معنى كده ان ده هو حجم الخساره اي هو نفسه حجم المخاطره اللى انا هاخاطر بيها ماهو بديهي ان المخاطره هى الجزء اللى انا اخالطر بيه او الجزء اللى انا هاخسره

طيب هناخد مثال و نقول ان راس مالنا هو 1000 دولار تمام كده
هنا فى حلين يا اما نسأل احنا هنخسر كام النهارده بحد اقصى او اننا نقول انا هخاطر او هاخسر نسبه ما من المبلغ ده و فى الحلين النتيجه واحده لكن طريقه الحساب هى اللى مختلفه فقط

طيب نحسبها ازاى بقى ؟
هنقول اننا عندنا قابليه اننا نخسر 100 دولار او هنقول اننا هنخاطر ب 10% من الحساب على سبيل المثال و طبعا ال 10% هى هى ال 100 دولار طيب كده كلام جميل

2- بعد ما حددنا حجم خسارتنا نبدأ نحدد كم النقط اللى هنخسرها بمعنى ايه بقى ؟
لو انا استراتيجيتى اللى بشتغل بيها بتقولى الصفقه يا بروفت يا استوب و خلاص على كده او الاستراتيجيه بتقولى لا خلى بالك انا هاعزز بالضعف مثلا من نقط معينه

طيب نمسك واحده واحده بقى و نشوف ايه الكلام
دلوقتى فى الحاله الاولى اننا عندنا استوب ثابت و ليكن 100 بيب يعني معنى كده انى هاخسر 100 دولار على 100 بيب طيب هو انا بشتغل على كام عمله اصلا ؟
بشتغل مثلا على عملتين يبقى معنى كده انى هاخسر 100 دولار على 200 بيب ( 100 من كل عمله )نقسم الدولارات على البيبات هنلاقى ان البيب قيمتها ب 50 سنت و ده ساعتها قيمه البيب اللى ادخل بيها لانى لو قدر الله و خسرنا هنطلع خسرانين 200 بيب و كل بيب ب 50سنت يعني خسرنا 100 دولار اللى هما ال 10% اللى احنا حددناهم من بدري

طيب لو بشتغل على 3 عملا يعني معنى كده 300 بيب خساره يعني 100دولار على 300 بيب هيكون الناتج حوالى 33 سنت فى الحاله ده اى فى حاله الكسر هناخد الرقم الاقرب بس الصغير يعني هنا البيب هتكون ب 30 سنت مش 40 سنت فقط للامان و ليس اكثر

طيب الحاله التانيه بقى ؟
لو انا استراتيجيتى بتقولى انى هاعزز كل 50 نقطه لمده 3 تعزيزات او 3 مضاعفات فقط يعني معنى كده ايه بس بحساب البيب انى عندى عقد اول ما يخسر 50 بيب هضاعف القيمه بعقد تاني يعني كأنى قلت انهم 100 بيب و لو نزلهم هاضاعف بقيمه الضعف للعقد الاخير يعني كأنهم 200 بيب يعني معنى كده انى فى النهايه
عندى 50+100+200 = 350 بيب
يعني 100دولار /350 بيب = 28 سنت يبقى قيمه البيب هى 20 سنت بحد اقصى

طيب نحسبها بالعكس

اول عقد ب 20سنت و تاني عقد بعد 50 نقطه ب 40 سنت و تالت عقد بعد 50 نقطه من العقد التانى ب 80 سنت صح كده
طيب لو قدر الله و خسرنا كل ده يعني خسرنا
150 بيب * 20 سنت = 10 دولار + 100 بيب *40 سنت = 40 دولار + 50 بيب * 80سنت = 40 دولار
يعني التوتال 90 دولار خساره و بكده اكون تحت الحد بتاعى اللى هو 100 دولار خساره او مخاطره 10%

يبقى نعيد من تاني
1- نحدد قيمه المخاطره او كم المال اللى انا قابل له للخساره
2- نحدد كم النقط اللى انا هاخسرها على حسب اسلوب عملى و استراتيجيتى
3- نقسم المبلغ على كم النقط و بكده نطلع قيمه النقطه

و بكده نبقى حافظنا على راس المال تماما من اى خساره و من اى ارتداد عكسي لانى مأمنه باستوب وحاسبه صح و كل ده بعيدا عن حسابات المارجن تماما و الرافعه الماليه و ده عشان ابعد عن حسابات الرافعه بصوره مبسطه و من غير تعقيد ( انا مش عايز احسب بالرافعه عشان البساطه فقط فقط فقط ) بالطريقه ده ممكن تحسب مخاطرتك يوميا او شهريا او اسبوعيا على حسب طريقه العمل الخاصه بيك

بكده يبقى رتبنا كل كلام راس المال و مستنى استفسارتكم و اسألتكم
ودي و تقدري للجميع

لمتابعه الموضوع و الاراء و لوجود اى نقاش برجاء الدخول على رابط الموضوع على الرابط التالى فى المنتدى
http://goo.gl/GVqdDa

1,308 total views, 1 views today

عن Ahmed Gharib

Loading Facebook Comments ...

اضف رد

لن يتم نشر البريد الإلكتروني . الحقول المطلوبة مشار لها بـ *

*

Facebook

Twitter

YouTube