الخميس , مارس 23 2017
أخبار عاجلة
الرئيسية / تعلم تداول الفوركس / فن لعب إدارة رأس المال ( الجزأ الرابع )

فن لعب إدارة رأس المال ( الجزأ الرابع )

1,717,671 total views, 205 views today

3 0 0 0 0

فن لعب إدارة رأس المال ( الجزأ الرابع )

بسم الله الرحمن الرحيم
و الصلاه و السلام على اشرف الخلق سيدنا محمد صلى الله عليه و سلم

فن لعب إدارة رأس المال ( الجزأ الرابع )

فن لعب إدارة رأس المال ( الجزأ الرابع )

اتكلمنا فى اول جزء و عرفنا يعني ايه راس المال و خواصه و فى تاني جزء عرفنا يعني ايه مرونه مع السوق و الاستراتيجيات و فى الجزء الثالث اتكلمنا عن سيكلوجيه المضارب و السوق النهارده بقى هنتكلم على جزء اسمه العقود الاضافيه او التعزيز و الهيدج

بنسمع كتير اوي كلمه عقد تعزيز و عقد هيدج و كلمه مضاعفات يعني ايه الكلام ده ؟ و مقصود منه ايه و انفذه ازاى ؟

قبل ما نتكلم فى كل ده لازم نفهم حاجه مهمه و نتفق جميعا عليها الا و هى اى شارت فى الدنيا كلها مينفعش يمشي فى خط مستقيم سيان هابط او صاعد او عرضي لازم يكون فى تذبذب يعني فى كل شارت صاعد هنلاقى كل شويه حبه هبوط لتحت و العكس طبعا فى الشارت الهابط هنلاقى شويه صعود لفوق كل شويه  معنى الكلام ده ايه ؟ 

معنى الكلام ده ان دايما فى خناقه بين البايعين و المشتريين على السوق تخيلوا كده المنظر دهجه 100واحد عايزين يضربوا ناس و يخشوا معاهم فى خناقه و الناس دول عددهم 10 ايه اللى هيحصل طبعا ال 10 هيتضربوا لما يقولوا يا بس لكن مش معنى كده انهم هيتضربوا من غير اى مقاومه لا هيقاوموا بس مقاومه ضعيفه مقاومتهم ده هتخلى الشارت ينزل شويه لتحت و يرجع يرد تاني لحد فى النهايه خالص لما يوصلوا ال100 لهدفهم و يضربوا ال 10 يبقى كده وصلنا لقمه الصعود على سبيل المثالمعنى كده ان الاتجاه اه صاعد و جارى لكن ما يمنعش من وجود شويه مقاومات تريح السعر شويه لتحتطيب فى المقاومات ده لما بتحصل ايه اللى يتم بقى و الدنيا بتمشي ازاى ده اللى يهمنا نعرفه عشان نعرف هنعمل ايه معاها

المقاومات ده 3 انواع

نوع اولانى مش فارق خالص و مجرد حاجه بسيطه يعني السعر هيرد شويه نقط بسيطه لا تتعدى 20 نقطه او 30 نقطه على حسب الزوج

و نوع ثانى هيفرق معانا شويه و فى الحاله ده الزوج هيرد نقط اكتر فى عكس الاتجاه تتعدى ال50 و 60 نقطه و ممكن 100 نقطه فى بعض الازواج

و النوع الثالث ده بقى الخطير ده اللى الرده بتاعته هتكون قويه و هيعكس نقط اكتر و بالتالى هيغير اتجاهه تماما من صاعد لهابط او العكس

طيب نتعامل مع كل نوع ازاى و نعمل فيه ايه ؟

اول نوع و لا نلمسه و لا نيجي جنب الشارت لان زي ما قلنا ان ده هو الطبيعي اللى يحصل ان الاتجاه مهما كان واضح و سريع لازم يكون فى شويه مقاومه فى الاتجاه المعاكس

طيب و تاني نوع بقى
ده بقى اللى هنعمل معاه حركه الضحك على الزوج بمعنى ادق هنضحك على الزوج و ناخد هدفنا منه من غير ما يجيب الهدف الفعلى للصفقه يعني ايه يا عم الكلام ده ؟ معناه ايه ؟

معناه ببساطه هنقول مثلا اننا بنشترى اليورو على سعر 1.4500 و فجأه اليورو حيله انقطع و نزل ييجي 50 بيب كده يعني بقى سعره 1.4450 معنى ان اليورو تحديدا نزل 50 نقطه ان فى مرحله بيع قويه بس مش قويه لدرجه انه يغير اتجاهه و ده اللى اتكمنا عليه فى سيكلوجيه السوق انك تبقى فاهم يعني ايه سوق و حالته النفسيه عشان تقدر تحدد اذا كان العكس ده هيغير اتجاه و لا لا

طيب هنقول مثلا ان هدفنا فى عمو اليورو كان 60 نقطه و النقطه ب 10 سنت مثلا و عمو اليورو دلوقتى نزل فى العكس 50 نقطه نعمل معاه ايه طيب ايه رايك لو نعمل عقد شرا تاني من السعر ده بحجم 20 سنت و بهدف نقطه الدخول الاولى لينا يعني 1.4500 لا و ايه بقى هنعمل للصفقه الاولى استوب عند نقطه الدخول يعني لما سعر اليورو يوصل لنقطه 1.4500 يقفل العقدين المفتوحين بس حضرتك كده قفلنا الصفقه من غير لا ربح و لا خساره صح ؟لا احنا قفلنا الصفقه اه بس بربح من غير خساره طيب ازاى ؟

احنا عندنا عقد مفتوح فعلا من السعر 1.4500 ب 10سنت للنقطه صح
و فتحنا عقد جديد من سعر 1.4450 ب 20 سنت للنقطه صح
يعني لما السعر يوصل لنقطه 1.4500 و تقفل الصفقتين ايه اللى حصل
اللى حصل ان العقد ابو 10 سنت طالع بزيرو مكسب و خساره
بس العقد ابو 20 سنت جاب 50 نقطه فى 20 سنت يعني 10 دولار مظبوط
فى حين ان العقد اللى حضرتك قفلته اللى ب 10 سنت هدفه كان 50 بيب يعني كان هيجيبلك 5 دولار بس
انت بقى لما السعر قاومك و عكس عليك شويه ضحكت على اليورو و اخدت منه 10 دولار بدل 5 دولار
و ده اللى اسمه التعزيز

التعزيز معناه الدخول فى صفقه فى نفس اتجاه الصفقه القديمه من سعر عكسي و الهدف نفس المسار يعني الرجاله اللى رايحه تتخانق ده رحت مديلهم سلاح زياده كمان و مخبيه و اول ما الناس قاومت راحوا مطلعين السلاح ده

طيب شروط التعزيز ايه يعني ينفع فى اى وقت اعزز ؟

لا طبعا مش فى اي وقت و مش فى اى نقط لازم و لابد ان حضرتك تكون فاهم العمله كويس و عارف الرنج بتاعها ايه مش كل ما تعكس 10 و لا 20 نقطه تقوم معزز بالعكس ده لازم يكون الوضع للعمله مدروس كويس و مفهوم عشان اقدر افهم امتى اعزز و امتى اعكس و اقدر احدد اذا كان الانعكاس ده مجرد تريحه و لا عكس اتجاه تام

و تاني شرط عدم الطمع ثم عدم الطمع ثم عدم الطمع لانك لو طمعت هتلاقى المارجن كول داخل بيقولك صباح الخير و هنتكلم اكتر فى الموضوع ده فى جزء حساب الصفقات المره الجايه ان شاء الله

طيب و النوع الثالث بقى الخطير النوع ده بقى اللى هنلعب معاه بمرونه و حكمه لان الغلطه هنا و لو بسيطه هتكون بحسابك كله

الاول قبل اى شيء لازم نكون فاهمين العمله اللى هنشتغل عليها كويس امتى تبقى فى نفس الاتجاه صح و امتى هتعكس و امتى هتقلب الترند تماما و ده بيجي من الخبره مع العمله و متابعه تحركاتها و اخبارها اولا و من شويه مؤشرات ثانيا

هنكمل فى نفس مثالنا القديم و نقول اننا شارين اليورو من سعر 1.4500 و السعر حتى الان عكس 50نقطه علينا و بالفعل غلطنا و عملنا تعزيز او بمعنى ادق اليورو خدعنا بالتالى اصبح عندى عق شرا من سعر 1.4500 ب 10سنت و عقد شرا مره تانيه من سعر 1.4450 ب 20سنت و لقينا اليورو هبط كمان لمستوى 1.4400 على طول هنا بقى هاعمل ايه ؟

من خبرتى فى اليورو انه لو عكس 100 نقطه يبقى كده هو غير الاتجاه على سبيل المثال و كمان لقيت مؤشرات استراتيجيتى بتقولى بيع مش شرا و اللخبطه بدأت و الانهيار لا نمسك نفسنا كده و نتعامل بعقل و حكمه و نخلى بالنا ان لحد دلوقتى احنا مجبناش سيره استوبات للصفقات خالص بالعكس كل ده ماشيين من غير استوباتطيب الحاله بقت دلوقتى بيع و انا عندى عقدين شرا و ايقنت تماما ان اليورو غير الاتجاه و بقى بيع مش شرا نعمل ايه ؟

طيب نحسب كده سوا
لو عملنا بقى عقد بيع من السعر الحالى 1.4400 بهدف 50 بيب و على سعر 40 سنت و قفلنا الصفقتين اللى مفتوحين ايه اللى حصل
خساره 100 بيب على سعر 10 سنت يعني -10 دولار
خساره 50 بيب على سعر 20 سنت يعني -10 دولار
مكسب 50 بيب على سعر 40 سنت يعني +20 دولار
يعني صافى ربح 0 دولار و صافى خساره 0 دولار

طيب لو عملنا نفس الفكره و بدل ال40 سنت بقوا 60 سنت
خساره 100 بيب على سعر 10 سنت يعني -10 دولار
خساره 50 بيب على سعر 20 سنت يعني -10 دولار
مكسب 50 بيب على سعر 60 سنت يعني +30 دولار
يعني صافى ربح 10 دولار و صافى خساره 0 دولار

و ده اللى اسمه بقى الهيدج
الهيدج هو عكس الصفقه بوضع امر عكسي للصفقه بعد تغير الاتجاه و التأكيد على ذلك

و ده كده اسمه التعزيز و الهيدج و المضاعفات انى دخلت كل عقد من اول العقد التاين بسعر مضاعف للعقد الاول يعني كان اول عقد ب 10 سنت التانى دخلته ب 20 سنت و التالت كان ب 40 او 60 و ده بيختلف على حسب الزوج و على حسب التارجت و الاستوب ده كده الكلام مباشر من غير لف و لا دوران

ان شاء الله فى المره الجايه بقى هنتكلم عن المرونه فى السوق مع الهيدج و التعزيز و استخدام المضاعفات بما لا يضر راس المال يعني العب مع العمله صح و اكسب منها و انا فى السليم و راس مالى مغطيني

و اى سؤال انا معاكم و الله المستعان

لمتابعه الموضوع و الاراء و لوجود اى نقاش برجاء الدخول على رابط الموضوع على الرابط التالى فى المنتدى
http://goo.gl/hkXKp8

 

1,068 total views, 1 views today

عن Ahmed Gharib

Loading Facebook Comments ...

اضف رد

لن يتم نشر البريد الإلكتروني . الحقول المطلوبة مشار لها بـ *

*

Facebook

Twitter

YouTube