الإثنين , يناير 23 2017
أخبار عاجلة
الرئيسية / تعلم تداول الفوركس / فن لعب إدارة رأس المال ( الجزأ الخامس )

فن لعب إدارة رأس المال ( الجزأ الخامس )

1,601,710 total views, 554 views today

3 0 0 0 0

فن لعب إدارة رأس المال ( الجزأ الخامس )

بسم الله الرحمن الرحيم
و الصلاه و السلام على اشرف الخلق سيدنا محمد صلى الله عليه و سلم

فن لعب إدارة رأس المال ( الجزأ الخامس )

فن لعب إدارة رأس المال ( الجزأ الخامس )

فى الاجزاء السابقه اتكلمنا على حاجه اسمها المرونه فى السوق و اتكلمنا برده على حاجه اسمها سيكلوجيه المضارب و برده على العقود الاضافيه طيب النهارده بقى هنتكلم على ازاى نجمع الدنيا ده كلها مع بعض بمعنى ايه ؟

احنا اتفقنا ان السوق ده سوق كبير و كل ساعه بل كل لحظه فيه تغير يعني معنى كده انى كمان تحليلى لازم يتغير مع تغيرات السوق السوق ازاى انى مثلا لو النظره للعمله كانت شرا و عكس عليا جزء ما من السعر و الجزء ده كسر دعم قوي معنى كده ان الدنيا اتقلبت من شرا لبيع يبقى ساعتها اتقبل خسارتى فى الشراء اى كانت و اقتنع نفسيا انى اقلب الخساره ده لربح

معنى انى اعكس مع السوق و اتحرك معاه فى الاتجاه ده اسمه مرونه
و معنى انى اتقبل الخساره و ادور على طريق للربح ده اسمه السيكلوجيه
و معنى انى اعمل طرق عشان اقلب الخساره ربح ده اسمه العقود الاضافيه

يعنى معنى كل الكلام ده انى قبل ما ادخل السوق لازم اكون فاهم عملتى و عارف ان السوق غدار و فاهم امتى ابيع و امتى اشترى و جاهز لحركه الغدر من السوق طيب تمام لما السوق بقى يعكس و يمشي فى الاتجاه المضاد ليا اعمل ايه ؟

مش معنى اننا قلنا نستخدم العقود الاضافيه يبقى معنى كده انى اعزز او اهددج بسرعه لا بالعكس لان العقود ده سلاح ذو حدين لو انا استخدمتها صح و فى الوقت المناسب كسبت و لو استخدمتها غلط و فى اى وقت خسرت اضعاف مضاعفه لان العقود ده معتمده على المضاعفات

طيب يعني ايه مضاعفه اصلا ؟
المضاعفه بلغه الرياضه هى ضعف العدد او الرقم و هنا مقصود منها ضعف حجم العقد بتاعك بمعنى بسشيط انك لو شارى و حجم العقد 10 سنت وقت ما هتضاعف هيكون عقدك الجديد ب 20 سنت ووقت ما هتضاعف تاني هيكون عقدك الجديد ب 40 سنت و هكذا كل مره هنضاعف فيها هيكون بحجم عقد جديد ضعف العقد السابق

يعني معنى كده انى لو ضاعفت مرتين بس و العقد الاصلى ب 10 سنت ان المضاعفه الاولى هتكون ب 20 سنت و التانيه ب 40 سنت ده على اعتبار انى هدفى اد خسارتى يبقى معنى كده ان عندى 3 عقود مفتوحه فى اتجاهات مختلفه و كلهم بمجموع 70 سنت للعقود ده غير حساب المارجن يعني انت كده عندك عقود ب 70 سنت و كمان مارجن محجوز ل3 عقود تفتكر يكون رصيدك كام؟ساعتها حضرتك رصيدك لا يقل بكل مقياس عن 1000 دولار و هنشرح ازاى احسب حجم العقد صح بس المره الجايه ان شاء الله بناء على راس المال المتاح ليا فى التداوللكن من كل الكلام ده محتاجين نقطه مهمه ان العقود الاضافيه على اد ما هى ممكن تكسبك و تعوض خسارتك على اد ما هى ممكن تصفر حسابك و يزورك حبيب الملايين المارجن كولطيب عايزين نعرف بقى ازاى نسيطر على العقود و احنا فى المره اللى فاتت شرحنا معنى كل عقد و قلنا ازاى نستخدمه و بأمثله كمان

زي ما قلنا فى الاول لازم قبل ما اتاجر او افتح عقود ابقى فاهم عملتى و فاهم السوق عارف ايه الارقام على الشارت اللى العمله ده هتخاف منها و ايه الراقام الوهميه كل ده بيتلخص فى كلمتين اتنين مالهومش تالت اسمهم الدعم و المقاومه هيجي حد يقولى انا عندى مشكله فى الكلمتين دول و هى ان كل ما اشوف تحليل حد الاقى الدعوم و المقاومات مختلفه لنفس العمله و ببقى تايه و مش عارف اعمل ايه ؟

اقوله لا الناس ده مش احسن منك و طريقه انك تطلع الدعم و المقاومه مش صعبه بالعكس حتى لو طلعتهم غلط و فرقوا نقط عن الصح بس هتتعلم منهم لانك كل مره تخسر فيها او تكسب لازم ترجع تعيد تحليلك و تشوف العيب منين و الكلام ده فى المكسب و الخساره مش الخساره بس

هو المكسب فيه عيب ؟
طبعا فيه عيب لان لو السعر عدى هدفك و وصل لمقاومه اكبر و لا دعم اقل طب هو وصله ليه ؟ و اشمعنى المقاومه و لا الدعم ده و ليه مش اللى بعدها و ليه مش اللى قبلها ؟ كل ده هيكون محتاج منك تفسير عشان تعرف مسار العمله بسهوله كل اللى محتاجينه من الدعم و المقاومه هى تحديد النقط القويه لكل عمله نقط هتخلى كسر السعر ليها معناه تغيير اتجاه او معناها انطلاق فى اتجاه معين و هى ده النقط اللى هنستخدم عليها العقود الاضافيه مش على عدد نقاط معينه لا على نقاط قويه جدا و حيويه فى الشارت

نلعب بقى بمثال كده عشان نفهم اكتر :

دخلنا حللنا اليورو لقينا اليورو صاعد على كلام عمو الترند كلام سليم و السعر الحالى هو 1.2400 فرضا و مقاومه قويه عند سعر 1.2405 و مقاومه وراها عند سعر 1.2480 و اللى بعدها عند 1.2550و دعم عند 1.2380 و دعم اقوى على فريم اكبر عند سعر 1.2360 ثم دعم عند سعر 1.2300و حسابي فيه 1000 دولار نعمل ايه بقى ؟

لو لاحظنا هنلاقى ان المقاومات القويه و الدعم القوى قريبين اوي من السعر الحالى و هنا الحل الامثل اننا نتجنب السوق لحد ما يكسر اى حاجه فيهم و يأكد كلام الترند او يعكسه لكن طبعا احنا عايزين صفقه وقتى و بسرعه مش هنستنى احنا ايدينا بتاكلنا على الشارت و مستعجلين طيب نعمل ايه بقى ؟

بما ان الترند قايل ان الاتجاه صاعد و الدنيا قريبه كده من بعضها يبقى اتجاهى شرا بس بعقود صغيره عشان غدر السوق ابقى مأمن نفسي يعني هشترى من السعر الحالى 1.2400
طيب هدفى فين ؟
هدفى هيكون يا المقاومه التانيه يا التالته
و استوبي
هيكون الدعم القوى و كل شويه اقربه كل ما السعر يطلع يكسر مقاومه
طيب اشتريت و السعر عكس شويه من المقاومه الاولانيه و جه خبر خلى السعر ينزل اكتر بس انا ترندى مازال شرا و باقى الاستراتيجيه بتاعتى بتقولى شرا يعني بنسبه 80% الدنيا شرا هنا بقى ااخر الاستوب بتاعى و اعمل عقد تعزيز من الدعم القوى لان السعر فى الحاله ده هيجي للدعم ده و مش هيقدر عليه مع اتفاق باقى الدنيا على الشرا صح و لا ايه ؟

طيب لو نفس الكلام حصل بس لقيت الترند اتكسر و بدأت الاستراتيجيه تقولى بيع اتأكد الاول من ان الدنيا عكست و ان كسر الترند مش وهمي و ساعتها ابيع بعقد هيدج جديد من الدعم برده او تحت منه بشويه تأكيدا لتغيير الاتجاه يعني معنى كده ان ممكن اهدج او اعزز و فى الحالتين انا عززت و هدجت من نفس السعر و نفس النقطه لكن اللى اختلف هو السوق و ممكن فى حاله تانيه اهدج من نقطه و اعزز من نقطه مختلفه لكن انا اتعمدت اقول المثال ده عشان نفهم ان مفيش ثوابت فى العقود الاضافيه بالعكس طول ما انا مرن مع السوق استحاله يكون فى ثوابت

طيب بعد كل ده لازم و لابد انى مش اكون طماع و عارف كويس انى ممكن اعمل عقود اضافيه يعني معنى كده ممكن يكون عندى فى الحالتين دول عقدين او تلاته يعني معنى كده ادخل من الاول بحجم عقد صغير
عشان لو عملت عقود اضافيه يبقى عندى براح فى راس المال اتحرك فيه براحتى من غير اى خناقه و لا مارجن كول

فكروا فى الكلام ده كويس و اى سؤال انا معاكم فيه و المره الجايه ان شاء الرحمن هنعرف ازاى بقى احسب حجم العقد بناءا على راس مالى و الله المستعان

ودي و تقديري للجميع

لمتابعه الموضوع و الاراء و لوجود اى نقاش برجاء الدخول على رابط الموضوع على الرابط التالى فى المنتدى
http://goo.gl/SppA0J

1,095 total views, 1 views today

عن Ahmed Gharib

Loading Facebook Comments ...

اضف رد

لن يتم نشر البريد الإلكتروني . الحقول المطلوبة مشار لها بـ *

*

Facebook

Twitter

YouTube