الأربعاء , فبراير 22 2017
أخبار عاجلة
الرئيسية / تعلم تداول الفوركس / فن لعب إدارة رأس المال ( الجزأ الأول )

فن لعب إدارة رأس المال ( الجزأ الأول )

1,669,448 total views, 221 views today

3 1 0 0 0

فن لعب إدارة رأس المال ( الجزأ الأول )

بسم الله الرحمن الرحيم
و الصلاه و السلام على اشرف الخلق سيدنا محمد صلى الله عليه و سلم

فن لعب إدارة رأس المال ( الجزأ الأول )

فن لعب إدارة رأس المال ( الجزأ الأول )

كثر الكلام فى موضوع اداره راس المال و كثير من المبتدئين بيحتار يعني ايه اداره راس مال ؟ ازاى اقدر احمي حسابي من المارجن و من الدمار حتى لو الصفقات عكست عليا كتير ؟

كل ده هنتكلم عليه فى موضوعنا ده و ان شاء الله نطلع كلنا باستفاده

اسم الموضوع فن لعب اداره رأس المال اى ان الكلام و الهدف من الموضوع ككل اننا نعمل نوع من انواع تبادل الافكار و الطرق فى اداره راس المال و قبلها هنكون فاهمين يعني ايه اداره راس المال و يعني ايه اصلا راس المال .

تمام توكلنا على الله

اولا عايزين ننسى اى كلام فى ادراه راس المال ممكن نكون سمعناه قبل كده من اى حد او فى اى موضوع منعا فقط للتشتيت

ثانيا يعني ايه راس المال ؟

راس المال ده اساس اى متاجر فى السوق عامه و فى الفوركس خاصه بمعنى ان المتاجر لو راس ماله مخنوق او ضعيف او هو مش عارف يديره كويس فطبيعي انه مش هيقدر يكون مرن مع السوق و يتحرك معاه بمرونه فى الاوقات الصعبه

يعني ايه الكلام ده كله ؟

دلوقتى و ببساطه فى الكلام المتاجر هدفه ايه ؟ هدفه الكبير انه يعمل ربح من شويه فلوس يعني معنى كده انى كمتاجر هدفى هو زياده فلوسي و تكبيرها عن طريق متاجرات هاعملها فى السوق و اكسب منها بالفكر الاقتصادي العادي جدا ان المتاجر كل ما فلوسه تكتر كل ما يقدر يعمل مكسب اكتر و بالمصري الجنيه يجيب جنيه و الالف يجيب مليونلكن فى السوق عندنا الاستراتيجيه مختلفه شويه طبعا عشان السرعه فى الشغل و كم السيوله المتاحه فى السوق يوميا و عشان السببين دول دايما نقول اننا لازم نبقى مرنين فى التحرك مع السوق

يعني ايه اكون مرن ؟
معنى المرونه هنا انى العب مع السوق فى الاتجاه الصح بمعنى انى مثلا لو دخلت شرا على اى عمله و لقيت السوق عكس عليا لاي سبب طاريء و ليكن خبر مثلا ساعتها الحل ايه ؟ ممكن يكون فى حلول كتيره جدا منها انى استمر فى الشرا فقط و اسكت و منها انى اعكس بيع مع السوق بصفقه تانيه و برده مستمر فى الشرا و منها انى اقفل الشرا و اضاعف فى البيع عشان اعوض الخساير من الشرا
و منها و منها و منها
لكن العامل الاساسي اللى هيحدد خطوتى القادمه هى راس مالى و حسابي و هل يستحمل و لا لا ؟ و هل هيكفى و لا لا من غير ما يزورنا الصديق المرعب اللى بيسموه المارجن كول يعني معنى كده انى عشان اكون مرن مع السوق لازم ادير راس مالى صح و مظبوط

كل الطرق تؤدي فى الاخر الى روما كلها تؤدي فى الاخر الى اداره راس المال الصحيحه و الصارمه طيب هنا هلاقى حد مبتدأ يقولى بس انا لسه ببدأ فى السوق و بقول يا هادي و راس مالى صغير مش كبير اعمل ايه عشان ابقى مرن ؟ و هلاقى حد بيقولى برده انا راس مالى كبير و مش فارق معايا بلعب براحتى

هنا هاقولهم احذروا احذروا احذروا لان اداره راس المال لا تشترط على الحسابات الصغيره او الكبيره لكن هى شرط على جميع انواع الحسابات كبيره قبل الصغيره و صغيره قبل الكبيره

طيب عشان بقى ندير راس المال صح نعمل ايه ؟ و خطواتنا هتبقى ازاى قبل اى صفقه ؟

الاول هنسأل نفسنا قبل اى صفقه انا هاخسر كام من الصفقه ده مش هاكسب كام لا احسب خسارتى الاول و طبعا عشان احسب الخساره اولا الموضوع مش نفسي و لا بالاحساس بالعكس لازم يكون فى نسبه و ترتيب

وقبل كل ده لازم ابقى عارف حدودى فى الخساره و المكسب بمعنى ايه انا مثلا شغال باستراتيجيه بتعمل مكسب فى الشهر من 70% من صفقاتها
و خساره 30% من صفقاتها يعني بمعدل كل 10 صفقات منهم 7 بيكسبوا و 3 بيضربوا استوب يعني انا لو غامرت براس مالى كله معناها انى هاكسب 70% على حسابي و اخسر منه 30 %يعني معنى كده انى هاخسر او اقصى خساره شهريه ليا هى 30% من حسابي

ناخدها بمثال و ليكن ان فى حسابي 1000 دولار و شغلى قايل ان خسارتى فى الشهر بناء على خطه العمل هى 30% شهرى يعني انا لو متاجرتى يوميه يبقى معنى كده انى هتاجر 20 يوم فى الشهر و لو اسبوعيه يعني معنى كده انى هتاجر 4 مرات فى الشهر و لو شهريه يبقى معنى كده انى هتاجر مره فى الشهر و ده معناه انى اقسم الخساره و الربح على عدد مرات المتاجره اللى فى الشهر

هنفرض مثلا انى هتاجر يومي يعني معنى كده انى هتاجر 20 متاجره فى الشهر و هاخسر منهم 30% و هاكسب منهم 70% و بالتالى لازم اوزع خسارتى على الصفقات عشان احسب حجم المخاطره يعني انا هاخسر 30% على 20 صفقه يبقى معنى كده انى اقصى خساره ليا فى الصفقه هى 30% / 20 تبقى 1.5% من راس المال معنى كده انى اقصى خساره فى الصفقه هاقبل بيها هى 1.5% من راس المال يعني معنى كده ان اقصى خساره فى الصفقه على حساب ال1000 دولار هى 15 دولار

طيب انا استراتيجيتى بتقولى ان الاستوب بتاعى فى الصفقه و ليكن 50 بيب و طبعا الاستوب ده اقصى خساره نقاط يعني معنى كده انى اقصى خساره ليا هى 15 دولار و 50 بيب فى الصفقه الواحده يبقى معنى كده برده ان عشان اخسر 15 دولار فى 50 بيب يعني البيب ب 30 سنت يعني انا صفقتى ده هتكون ب 30 سنت عشان يوم ما اوصل لاقصى خساره هتكون 30سنت *50 نقطه يبقى الناتج فى النهايه ال15 دولار يعني معنى كده انى لو خسرت صفقات الشهر كلها معناها انى هاخسر 300 دولار من اصل 1000يعني معنى كده انى عملت اداره مخاطر ب 30% من راس المال يعني انا غامرت ب 300 دولا من اصل ال1000 و الباقى فى امان

لو استوبى 50 مثلا هيكون مكسبي مش اقل من 50 زيهم او 70 او 100 على سبيل المثال و الصح فى الاستراتيجيات ان يكون الهدف اد الاستوب مره و نص بالظبط يعني لو استوبي 50 يبقى هدفى لا يقل و لا يزيد عن 75 نقطه ده الحاله المثاليه للصفقات

طيب احنا هندخل 20 صفقه شهرى هنخسر منهم 30% يعني هنخسر حوالى 6 صفقات كل صفقه ب 50 بيب اى ب 15 دولار يعني هنخسر حوالى 90 دولار و هنكسب منهم 70% من عدد الصفقات اى حوالى 14 صفقه و كل صفقه ب 75 بيب و العقد بتاعنا زي ما قلنا ب 30 سنت يعني كل صفقه مكسبها 22.5 دولار يعني هنكسب فى الشهر حوالى 315 دولاريعني معنى كده انى خسرت 90 دولار و كسبت 315 يعني صافى ربح حوالى 225 دولار لو جينا حسبناهم هنلاقى انهم بيساوى 70% من ال300 دولار اللى انا غامرت بيهم

طبعا ده مثال بسيط على اداره راس المال و استخدمنا فيه كل الكلام المثبت او القواعد الاساسيه فقط فقط من غير اى تقلبات بعد كده هنتكلم فى التقلبات و المغامره الاكبر و الاقل و المضاعفات و الهيدج و التعزيز و كل انواع المرونه فى السوق

اتمنى لو حد مش فاهم كلامى ينافشنى فيه عشان نوصل الفكره بصوره عامه للناس ثم بعد كده نبدأ بقى فى اللعب مع السوق

لمتابعه الموضوع و الاراء و لوجود اى نقاش برجاء الدخول على رابط الموضوع على الرابط التالى فى المنتدى
http://goo.gl/cGSXum

1,237 total views, 1 views today

عن Ahmed Gharib

Loading Facebook Comments ...

اضف رد

لن يتم نشر البريد الإلكتروني . الحقول المطلوبة مشار لها بـ *

*

Facebook

Twitter

YouTube